| 自命唔想咁搶又忍唔住唔搶o既搶fo珊, 哈哈~ 認左佢啦你 阿ZAZA已經同我講左你o係o'camp o個晚有幾唔想咁搶又忍唔住唔搶啦~~哈哈 估唔到, 真係估唔到!!! 係你o既關係又好, 係我o既關係又好, 係企o係門口o個位警衛阿叔日行一善都好, 能夠o係今時今日, 足足被人估細左起碼六年, 係起碼六年!!!! 認為我o地未夠秤要出示過身份証先俾我o地入投注站喎!! 真係足夠令我開心足成日..唔係..係開心到而家 所以我唔理呢件事o既真正原因係咩, 我都只會盲目咁相信我庸姿仲有青春逼人o既氣質呢個先係主因!!!!!!!嘩哈哈哈哈哈~~~~~嘩哈哈哈哈哈~~~~~不過, o係呢件事上, 我點都要多謝你一聲, 如果唔係因為你一心以為要o係投注站入面先可以對到六合彩, 成件事都唔會發生~heehee... 六年前..六年前... 我突然諗起o係你屋企o個本相薄裡面o個張陳年3R裡面口腫面腫眼腫鼻腫咩都腫o既我...o個年唔係中四就係中五! 即係岩岩係6, 7年前... 照一照鏡...都好...而家都算唔同哂~~ 但又諗起, 闊別多年, 你細佬一見到我同我講o個句 : "芝姐姐你真係冇變過呀~!" ........ 又一次o係你屋企過夜, 上一次見識過你o既巴閉出身, 今次再見識埋你o既巴閉大學生活感情史, 雖然我相信阿大隻信唔會睇我呢個blog, 但我都唔諗住仔細咁詳述你o既過去喇~ o係咀團之中感情史最冇野八最唔worth to 講, 戀愛次數最少, 仲有一堆一廂情願暗戀單戀事件, 從來與俾人追絕緣咁滯, 大學生活又摺過摺櫈o既我, 自上次贈你"目瞪口呆" 四字, 今次再一次贈你"相形見拙"黎表現我o個種完全比下去兼衷心覺得你好巴閉o既情緒! 被我咁吹捧法..唔知你會唔會有一日可以fight低周董同特別怪二號 (一號一定要留俾阿cat, 因為佢知道自己有呢個別名但同人share左已經唔多"gur", 仲要做阿二一定唔得了, 以表示我o地對佢o既尊重同佢o係我地心目中o既地位佢一定要做阿大), 做一隻更利害o既自我膨脹怪呢? 講起周董, 不得不提咪咪! 能夠同你同cat一齊睇咪咪, 可以有住同一口徑o既刻薄同冷笑, 一同欣賞著o個個十足我地師姐o既女主角, 望著o個個滑稽o既大金球, 聽同睇住阿周董自己俾哂位自己大哂音樂造詣, 實在係太正啦! 即使我o地o既對話唔多, 但我完全感受到我o地之間o既默契! 老友就係老友! 加上o個晚o個盒難以忘懷o既正宗日本樂天熊仔餅同幸運占卜秘聞, 仲有"既來之則安之"...... 等等等等, 都令我太開懷啦! 真的, 食返正宗o既, 我以後都唔會再食香港貨! 事隔兩日, 竟然standby俾人call左去大阪! 仲唔拿拿臨去lawson入貨! 如果唔係阿姐阿哥都想買, 我真係唔只買三盒咁少! 仲有呀~ 原來日本係有芝士蛋糕味架! 我入左一盒呀~ 諗住等埋你先食~~heehee~ 你呀~~快d training啦~~ 等緊你呀!! 而家一去到outport就o係度幻想可以同你飛o既情況啦! 好心急呀!十萬個期待!! 為左做到首尾呼應, 我要講多單開心野你知! 係關於今程機阿老總同我o地呢班BCo既一段對話, 話說我o地呢班機有3個都係07年先join, 我地到左大阪, 行出機場o既時候, 我o地幾個做細o既梗係行後啦, 老總就跟尾, 老總見到我地就問 老總: "你地邊幾個係今年先join呀?" 咁o個3個新join o既就舉手啦, 然後老總就指著我話 老總: "你呢? 06年?" 我話: "係呀~" 老總: "你似08年呀! 08年先join呀! 似未join呀! 你地真係青春呀!" 哈哈, 又一次, 係佢覺得我做野唔夠熟好, 覺得我"doun"好, 係佢日行一善都好, 我都只會盲目咁相信係我庸姿仲有青春逼人o既氣質呢個先係主因!!!!!!!嘩哈哈哈哈哈~~~~~嘩哈哈哈哈哈~~~~~ 你睇, 每次講你D巴閉野都咁大蝙蝠! 好巴閉! 想搶但點搶都唔夠搶o既 歐fo芝 |
希望唔係後者啦..